الأحد، 30 أغسطس 2009

الشهامه راحت فييييييييين؟؟؟!!

رمضان كريم...وخلاص الواحد حاسس ان رمضان بيعدي بسرعه بجد ربنا يغفرلنا ويرحمنا في الشهر المفترج ده.... امبارح كنت في سبوع احد افراد العائلة الكريمه عقبال عندكو جميعا جميعا كده وتفرحو بولاد ولادكو...المهم رحت مواصلات ورجعت مواصلات وعلى الرغم من اني حااافظه الخط ده لاني بروحه بقالي 3سنين عشان الجامعه بس اول مره يكون في ضرب نار في المواصلات وماأبقاش عارفه ارجع يعني غالبا لو حصل ولقيت زحمه بروح راجعه مكان ما كنت وابقى امشي بكره مفيش مشاكل خالص...المرادي كان معايا اطفال وكنا كتير ولازم نمشي مينفعش نرجع ابداا والدنيا زحمممممه ومفيش ميكروباصاات خاااااااااااااااالص وقلنا شكلنا هنسهر هنا النهرده ومن الساعه 10ونص تقريبا لحد 11ونص مفيش ولا عربيه جت واخييييرا ميكوراص العاااشر اجري يا جدعععع المهم اخواتي الشباب ربنا يخليهم جريو وحجزلنا مكاان لاننا كنا 6ماشاء الله فكان لازم على الاقل كنبتين عشان نعرف نقعد والناس طبعا مش هتخلي حد يحجز كنبتين واللي يدخل عياله من الشباك واللي ييزق واللي يشتم وبجد كان منظر رهييب المهم ان كان في ستاات غيرنا والناس تقول ركبو الحريم يا جماعه ومفيش كإن محدش بيتكلم اصلاااا المهم لحقنا بالعافيه كنبه وحده وست ياعيني معاها طفلين دخلت وركبت جالها راجل يقولها انا مركب ولادي من الشباك وهقعد جنبهم تقوله خلاص نساعي بعض يقولها لا وانزي انزلي ويزعق ويشخط لحد ما الست نزلت يا عيني بالعيلين اللي معها ....استفزني لدرجه اني رديت عليه قلتله يعني حضرتك راجل وعايز تنزل ست ومعاها اولاد تستنى في الشارع عشان حضرتك مش عايز تزنق نفسك؟؟؟ قال ما انا كمان معايا اطفال ! والناس تقوله معلش وساعو بعض ودا ابداااااا مبيحسش ولا عندو ذره شهامه والناس ساع وبعض واخدوها جنبهم وكل واحد شال عيل على رجله وانا واللي معايا قعدنا فوق بعض على كنبه وحده وواحد من اخواتي قلتله استنى انت بقى الميكروباص اللي بعدو عشان نوسع مكان للست والراجل وولاده التلاته الصغيرين اللي اكبر عيل فيهم10سنين واخدين كنبه لوحدهم ومرتاحين جدا وكل الناس عماله تلبقح بالكلام وهو ولاكإنه سامع اصلاااا ॥والكل بقى عمال ينفخ ومش طايقي نكلمه لبعض ومحدش راضي يجمع الاجره واللي له باقي يتذل عشان ياخده والسواق اصلا كان عمال يبيع ويشتري فيها وبجد حمدت ربنا اننا وصلنا بالسلامه واخويا طبعا ملقاش مواصلات وبات عند عمي اللي كان بايت عنده ناس اصلااا بس الحمد لله وصل سليم تاني يوم.. .استغربت بجد ان في ناس ممكن تكون فقدت شهامتها بالشكل ده وممكن اوي ينزل ست من الميكروباص الساعه 12ولا حاجه ومش مهم تقف ها في الشارع بس المهم يرتاح هو في المواصلات!! العجيب بقى انها قعدت تدعي عليه تقوله يارب ما توصل بعد ما نزلها بس هي ركبت تاني بقيت خايفه موووت احسن فعلا ميوصلش وكلنا منوصلش معاه ههههههه وضاعت الشهامه يا مصر... رمضان كريم

هناك 6 تعليقات:

  1. الشهامة راحت تتفسح و راجعة كمان خمسين سنة يا إيمان !!

    حسبى الله و نعم الوكيل ..

    ربنا يستر فى اللى جاى .. دلوقتى الرجالة لا بتصرف على البيت .. و لا حتى بقوا ضل حيطة .. مين عارف بكرة هيحصل إيه ؟؟

    ردحذف
  2. شهامة ايه اللى بتدورى عليها دلوقتى يا دكتورة

    ما خلصت خلاص ومبقناش نجيب م الصنف ده تانى

    الموقف ده بجد استفزنى وبحمد ربنا انى مكنتش موجود فيه

    لانى اكيد كان اقل واجب هضرب الراجل ده وعياله ع البيعه

    راجل معندوش دم على رائي خليل

    بس بجد اما قريت الموقف ده قعدت افكر هى بجد راحت فين الشهامة والمروءة والنخوة

    راحت فين الحاجات دى اللى كنا احنا بنفرح اننا مصريين عشان فينا الصفات دى

    طب احنا دلوقتى هنفرح ونقول احنا مصريين ليه

    عشان عندنا ابو تريكة طبعا

    الله يرحمك يا شهامة

    هى ماتت

    اه اعتقد ماتت


    تحياتى يا دكتورة

    ردحذف
  3. تسمحيلي اقوللك عشان انتى اكيد ف مصر

    طالما حصل كدة تبقى اكيد ف مصر

    انا ف مرة كنت ف واصلة و ولد الساعة 4 الفجر و كانت الاجرة احم احم حاقة شوية فشلت انا كرسي و قولت لراجل يشيل كرسي تانى لما انة كبير يعني قالى انا مركب والديني الاتنين و هما ما شاء الله 16 و 15 سنة على اساس انهم بيبي ما علينا فعادي بتحصل كتير المهم على راي الراجل يا عم خلينا قاعدين ما كدة هنروح و كدة هنروح

    و ادعي للسكة الحديد طالما بنقول للغلط لا ههههههههه

    ردحذف
  4. بييي
    وحشاني يا بنتي :):)
    راحت تتفسح ايه دي ماااتت خلاااص بجد الواحد مبقتاش قادر يستوعب الناس دي عايشه ازاي
    ربنا يستر علينا ....
    رمضانك كريم يا رب :)








    ---------
    أ.ايمن
    والله انا لولا كا نكل اللي واقفين رجاله واستعيبت انا اللي ازعق كنت اديتو من المنقي خيار بس انا مسكتش انا قلتله اركب انت ومش مهم الست وعيالها حضرتك ال حضرتك ال ربنا يهدي الناس ويسترها علينا
    نورت

    ردحذف
  5. 3mr wa2el

    لا بتحصل كتيييير وبتبقى الاجره مش حراقه برضو ولا حاجه ومفيش فايده فيهم
    الشعب المصري واااعيي وبيقول للغلط لأ
    ربنا يستر عليناا

    ردحذف
  6. من ضمن الناس المنقطعة عن الكتابة
    لعل المانع خير

    ردحذف

اكتب اللي فنفسك..بس احترم نفسك