زعلانه اوي...ومخنووقه موووت
احلى حاجه ان الواحد يلاقي صحاب بجد وخصوصا لما يكون بـِعـِد عن صحابه الاولانيين بسبب الكليه او الغربه او اي حاجه ويبدأ يكون صداقات تانيه....صداقات يوميه في الجامعه وناس تعرفها كويس وتروح وتيجي معاها وتعرفهم اوي ويقربو منك اوي وتقول الحمد لله عرفت اتأقلم على الوضع الجديد...وفجأة تلاقي نفسك اتخدعت ولا اتضحك عيك...او يمكن انا اللي فاهمه الصداقه غلط....؟؟؟
بجد اتخنقت من موقفهم لدرجه اني مبقتش قادره اعاتبهم واقولهم ليه كده؟؟ متخيلتش اني اكون اخر وحده تعرف ويتعمدو يخبو عني ولما يقعو في مشكله ولاّ ازمه اول وحده يجرو عليها عشان تحللهم المشكله وهي اصلا مكنتش تعرف حاجه!!!
وميكلفوش خاطرهم يقولو معلش؟؟بجد اتصدمت واتخنقت ومش عارفه اعمل معاهم ايه؟انا مقلتلهمش حاجه لحد دلوقتي ولا قادره اقولهم اني زعلانه بس باين عليا اوي اوي وبيسألوني مالك بكل براءة وبقول مفيش
مش عارفه اتأقلم على الوضع...ولا قادره اسامحهم...ولاقادره اقولهم زعلانه...
اعمل ايه؟؟!
ايه المشكله بدل هما صحابك اوي وجهيهم وعتبيهم ولوميهم على كده والمفروض لو هما صحابك بجد فعلا هيتفهموا وجهة نظرك ويحاولوا يعرفوكوا هما عملوا كده ليه......ولو متقبلوش ده ومتقبلوش نقض ليهم يبقي ميستهلوش يبقي صحابك اصلا لاني الصحاب المفروض يستحملوا بعض والمفروض يتقبلوا عتاب بعض......
ردحذفبعدين انتي خلي قلبك ابيض:)وشيلي السواد اللي فيه:@ده والمسامح كريم......
مالك يا ايمان اول مره اشوفك كده
ردحذفانا رأيي اعملي زي ما منعم قال كلميهم وافهمي ساعات كتير بنزعل ولو اخدنا وقت واتكلمنا بنطلع فاهمين غلط ونلاقي الموضوع ما يستاهلش اي زعل خااااالص
كلميهم وان شاء الله كله يبقي تمام
وقوليلي بس مين ده اللي زعلك ومالكيش دعوه انا ومنعم هانظبطهولك هههههههههه :)
المشكله اني بواجه واعاتب ديما
ردحذفلكن زعلانه لدرجه اني مش قادره اعاتبهم وش هاين عليا اصلا اني اروح واشكي....
شكرا يا منعم
-------------
محمود
انت عارف محدش يقدر يزعلني انا بازعل لوحدي
هههههههههههه
ربك كريم ان شاء الله ههدى
وشايلينك للكبيره لما نكون عايزين نقتل حد ولا حاجه
شكرا
د / ايمان اولا يارب تكونى بخير وبالف صحة
ردحذفثانيا انا اسف انى منفذتش وعدى بانى هداوم الاستمرار فى التعليق على مدونتك بس صدقينى من يوم ما عرفت المدونة وانا مش بدخل نت الا فن وفين سامحينى
بصى يا ايمان انا اللى انا اعرفه ان الصاحب ديما بيحث بصاحبه خصوصا لو كان زعلان منه انا مش فاهم ازاى هما مش حاسين انك زعلانة او متدايقة منهم واشمعنى هما اما يكونوا فى مشاكل انتى بتحسى بيهم وتحليهالهم انا من رائى انك ولا تواجهى ولا تعاتبى طلما بتقولى تعبتى من كده ومن غير نتيجة انتى خديلك موقف منهم بحيث انهم يحثوا ان فى تغير من نحيتك
بس انا اقولك حاجة عن تجربة شخصية اصحاب الكلية مش بيدوموا كتير انا مخلص ليا تلت سنين بس اللى بقيلى من ايام الكلية من اصحابى واحد بس من شلة طويلة عريضة انا مش بقول دى قاعدة بس ده اللى حصل معايا
اقولك على حاجة احسن
طنشى سبيها ماشية زى ما هى ماشية
تحياتى
ايمن سيد love light
مش عارف هتفتكرينى ولا لاء
ياااه
ردحذفطبعا فاكراك يا عم الصحفي :):)
والله الموضوع تطور واتخانقنا واتعاتبنا وحاجات كده انا مبعرفش اطنش واتجاهل لانهم صحاب والاني بشوفهم كل يوم ومعرفش اسلم واضحك وانا اصلا مخنوقه فحصلت المواجهة واتخانقنا وبتاع وكل حاجه بتاخد وقت وبتتنسي....بخصوص صحاب الجامعه ربنا يبشرك بالخير هطلع بواحده بس؟ هههههههه
متغبش تاني بقى ومستنيه ردودك
نورت