عدت سنه...بالضبط...كل حاجه اتغيرت...فيّا...وحواليا..وجوايا...وبسببي...وليا...المهم انها اتغيرت
سنه حصل فيها حاجات كتيييييييييير...زي مايكون كانت مستنيه اني اكون لوحدي عشان تحصل :)
وانا اصبحت أكثر هدوءا...وايمانا...وثقة...
لكن اقل في كل شيء....في حزني...وغضبي...وعتبي....وندمي...للأسف..
حتى في شوقي..وحبي..أقل كثيرا
فاكر..ولا لحقت تنسى؟
كنت ببني معاك سنينك
أصلها كانت سنينا
والحلم اللي كنا بنحلمه
إني اكونلك ف يوم
وواكتب اسمي على الديوان
فلان..وحرمه المصون...
اللي عاشت تحبه بجنون..
...................
طيب فاكر ولادنا؟
والأسامي اللي ف خيالنا
فاكر زعيقك على تربيتهم
واللي نفسك تبقى اصلا
زي بيتنا...
وإننا لازم نكون عيله ولمه
أصلك بتحب العيال...
فاكر لما قلت يكونو عشرة
بس شرط..."يكونو شبهـِك"
وأقولك واشمعنى يعني؟؟
"عشان اشوف عنيكي جوى منهم
وماتغيبيش ابدا يا عمري"
مش عارفه ليه مش قادره انسى
حلمنا إللي ف لحظه..كان
واللي خلاص مبقاش له لزمه
شكله حلم من المحال
..................
طب عارف ايه اللي محزني؟
الدبدوب الناقص عندك...
لسه مكانه زي ما هو ف قلبي
وعارف اكتر حاجه خيفه اعملها؟
كلمة "عيني" معدتش اقولها لحد فعمري
هتقولي مكنش دا ذنبك...
هقولك عارفة..أخدت قراري
بس مكنتش اصدق ان ف ثانية
تقولّي آمين...
عارف قلت انا هأبعد ليه؟
لقيتك فجأة بتبعد...
وخطوتك مبقتش زيي
ونبرتك...قلبت تحدي
وبقيت بخاف المس اديك
وللأسف...
بقيت بخاف منك ياعمري
كنت خايفه لما تبعد
تكون سايبلي ف قلبي جرح
مش عايزه صورتك لما تمشي
يكون واصلها اي خدش..
وللأسف....
راحت مجتش !
من غير اسف
ردحذفحاجات كتير بتروح مننا
وحاجات اكتر بين ايدينا ومسيرها تروح
لكن الاكيد اننا دايما بنحب الذكريات
لو جميله بنبكي عليها
ولو حزينه بنبكي منها
يعني مفيش مفر من البكا ...
بس من غير اسف .
السلام عليكم ورحمة الله وبركاته
ردحذفديما الفكرة دي عامله لي ازمه
الفراق
اكتر شيء مؤمنه بيه في الدنيا
واكتر شيء بحاول اهرب منه
واكتر شيء ديما مستنياه حتى وانا بهرب منه عارفه انه هايحصلني
تحياتي
الى اللقاء
لو مكنش في اسف..
ردحذفعمر ما هيبقى في بكا ولاهنفرح ولا هنحزن !!
شكرا للمرور يا نبيل
----------------------
كيمت
وعليكم السلام ورحمه الله وبركاته
متحاوليش تهربي..داخلي التجربه وعيشيها..واستحمليها...واكتبي عنها..واخرجي منها مختلفه...او حتى زي ما انتي
بس المهم تخرجي...
احتراماتي
فراق بالنسبة للرجل زي خبطة الكوع تنميلة
ردحذفالمقولة دي سمعتها قريب وهتجنني
اشمعنى احنا يعني الي بيفرق معانا وحتى نفتكر ازاي كان بيحرك ايديه لا والادهى بنقلدهم :)
واحنا للاسف مش عارفين ان احنا بالنسبة ليهم تنميلة ثواني وبتروح
( ونرجع للكلمة الي بقولها كتير اليومين دول الحب اوبشن نزل للبنات بس )
دمتي لي اعز واغلى واحن ام واخت وصديقة
فرح....
ردحذفايه التشبيهات الغريبة دي :):)
مش عارفه اقولك صح ولا غلط...بس اكيد انه اوبشن موجود للكل ..بس في ناس مبتقدروش :)
خليكي فرحانه ديما...وافتكري..انه يستاهلنا
ازيك يا حبيبه قلبي وحشتينى اووووووى والله
ردحذفكلامك وجعنى اوى حسيت انى انا اللى بقوله بس انتى عدت سنه انا عدا 3 سنين ولسه بقول نفس الكلام
ربنا يهون عليكي
غرووووب
ردحذفانا تمام والله انتي ازيييك؟
المدونه كانت اختفت وكل اللي عليها راح ومدونات كتيرو قعت مني :)
لسه بتقولي نفس الكلام؟ يا بنتي حرا معليكيا انا كتباها من زمان بس دورتلها على مناسبه:)
ربنا يسعد ايامك
عجبتني اوي يا ايمان
ردحذفبجد
:)
ردك اللي فرحني بجد فعلا يعني :):)
ردحذفربنا يسعدك
وللأسف....
ردحذفراحت مجتش !
ــــــــــ
ربما لا يحتاج الأمر إلى الأسف, فقد ذهبت والآن لك أنت صار القرار.....تحياتي
يمكن والله مش محتاجه اسف ....
ردحذفبيس هو الواحد بتصعب عليه نفسه :)
منورة :)
كلام حلو و جميل جدااااااا و عجبنى جدا الجزء بتاع
ردحذفمش عارفه ليه مش قادره انسى
حلمنا إللي ف لحظه..كان
واللي خلاص مبقاش له لزمه
شكله حلم من المحال
و لكن القشة التى لات تقسم الظهر تقوية
و تقبلى تحياتى
شكرا جدا لكلامك
ردحذفواكيد...الضربه اللي متقتلش تقوي...بس يارب فعلا متكنش قتلت :)
تحياتي ليك
السلام عليكم ........
ردحذفأختى الفاضله تقبلى مرورى
بجد جميله قووى
وكلماتك أجمل
وللأسف...
بقيت بخاف منك ياعمري
كنت خايفه لما تبعد
تكون سايبلي ف قلبي جرح
مش عايزه صورتك لما تمشي
يكون واصلها اي خدش..
وللأسف....
راحت
ودى الحقيقه المره اللى بنعشها
الحمد لله
تقبلى تحياتى
عاشقه الاحزان
ردحذفربنا يريح بالك ويبعد عن حياتك المرار كلو
ابعدي عن الاحزان واعشقي الفرحه هتجيلك بإذن الله :):)
نورتيني
د / ايمان بجد جميله اوى اوى
ردحذففاكرة زمان اما كنتى بتقوليلى بلاش نكد ارحمنا
مش عارف ليه نبرتك اتغيرت
بس بجد رقيقة اوى كلماتك
مش عارفه ليه مش قادره انسى
حلمنا إللي ف لحظه..كان
واللي خلاص مبقاش له لزمه
شكله حلم من المحال
عدت سنة عندك وادى السنة التانية ليا انتى منستيش وانا مش عارف ازاى انسى
النسيان نعمة كبيرة اوى
بس اعتقد اكيد هيجى يوم وننسى بس امتى وازاى وفين مش عارف
تقبلى مرورى
ايمن سيد
الصحفى
نبرتي اتغيرت...مفيش حاجه بتفضل على حالها والله
ردحذفوبنتفنن ازاي نوجع قلبنا...كل الناس بتنسى وتكمل حياتها وتغير جلدها كمان :):)
وهيجي يوم وتنسى..او على الاقل تتأقلم على الوضع الواحد بيفتكر ذكريات من وهو طفل بس بيتأقلم على فقدها....
سيبك انت نورت المدونه :)