skip to main |
skip to sidebar
ولا زال في العمر بقية...
ياااه.....منقطعه بقالي كتير اوي
الحمد لله كويسه اوي والنوت اللي كنت كتباها منزلتش ورجعت سليمه الحمد لله ربنا لسه كاتبلي عمر :) وماما وبابا جم ومشيو.. لسه النهرده ماشيين ورجعنا تاني للهدوء وللوحده وللمذاكره اللي نسيتها واللي لازم اشد حيلي فيها لان الوقت اللي ضاع كتير اوي ومبقاش في وقت يضيع تاني وخلاص بقيت اقدر اقعد واذاكر ....
فرحانه اوي اوي إن في ناس سألت عليا واهتمت او حست بيا من غير سبب بجد سبحان الله معرفش ازاي ممكن وحده صاحبتي تتصل تقولي مالك وهي متعرفش في ايه ومن غير سبب تقولي بدعيلك :):) والحمد لله الدعا وصل
ومش عارفه ازاي ممكن حد يتبرعلك بالدم لمجرد انك تقوله عايزين دم ومن غير ما يقول لمين ولا لإيه ...إنتي محتاجه وهو عنده استعداد يديكي من غير سبب غير انه عايز يخدمك...لسه في ناس اخلاق اوي كده؟؟!!!
الحمد لله انا كويسه وكل حاجه تمام التمام ولسه في العمر بقية :)
غبت بقالي كتير ولسه هغيب تاني بس بادخل كل شويه اقراكم واتابع وامشي... :):)
مكتبتش حاجه من زمان مع ان كل كتاباتي شخابيط بس وسط ورق المذاكره لقيت الحته دي قلت انزلها هي مش مكتوب عليها تاريخ بس شكلها من اكتر من سنه ونص ولا حاجه....استمرو في الدعاء ودعواتي لكل اللي بيمتحنو ربنا ييوفقهم
عدّى قصادي..
وقالي الكلمة..
وفاتني وماشي..!
قلت ايه؟؟
قولها تاني...
مسمعتهاش
والمصيبة...
مهيش اغاني
ولاّ كلام مرصوص
ومتزوق معاني
ولا سر حتى..
جه ووشوشني ف وداني
لكن من شفايفه...
شكل تاني
قالي...
"صباحك دا ورده
بيها الدنيا بتفتح قصادي
ويمك دا جنه..
نفسي ادخلها فثواني"
قالها....
وكان سابني وماشي
بكل البساطة اللي فعنيه
وكإنه عادي..
وهو عارف إني ديما...
بقوله تاني
ماهو مش ممكن بعقلي
استوعب كلامه
لأ وإيه...؟
وهو واقف قصادي....
حمدلله على سلامتك:)
ردحذفعمر الشفي بقي:):):@
وحمدلله على سلامه طنط وعمو....
وربنا معاكي فالمزاكره وان شاء الله تخلصي الامتحانات كده وتعديها على خير وتخدي الاجازه....
حمدالله على سلامتك يا جميل
ردحذفوشدى حيلك الفترة الجاية مستقبل الصيادله امانه فى ايدك يا رأفت D:
منعم
ردحذفالله يسلمك وربنا مع الجميع في المذاكره دي وان شاء الله تعدي على خير
روديي
بلاش انا في مستقبل صيدله ده ههههههههههههه
رأفت ماات من زمااان
شدي حيلك انتي كمان صيدله حوالين اديكي يا روديي :):)
ايمان
ردحذفربنا يحلى عمرك
حلوة النووت دى
عجبتنى قوى
كيفتنى
سنترافيش
ردحذفربنا يخليك
بس مفهمتش ايه اللي عجبك وكيفك؟
الكلام ولا الشخابيط اللي بعده؟؟
شد حيلك في المذاكرة :)
لا القصيدة
ردحذفحلوة بجد
دخلت دماغى