skip to main |
skip to sidebar
:) فرررررررررح :)
ياااااااااااااه الحمد لله اخيييرا فرح في بيتنا...
فرح بلال اخوووويااا اعز اخواتي اكتر واحد عشت معاه في اخواتي كلهم مش غريبة عشان انا وهو هنا لوحدنا بقالنا خمس سنين انا وهو بس وكمان عشان هو الكبير يعني هههههههه بجد اتعلقت بيه اوي وفي اخر الفرح مقدرتش امسك نفسي من العياط مع اني كنت خايفه على المكياج اللي اول مره احطه بس عيطت...ومع انه مش رايح بعيد شقته في الدور اللي فوقينا على طول...بس بجد حسيت انه خلاص بقى حد تاني...
فرحت بالفستان اللي بديل وكل الناس داست عليه وفرحت بالزحمه والربكه والناس والحنه والاغاني القديييمه والرقص والفرحه اللي في عيون الناس كلها والتعب اللي قتلني حتى التعب فرحت بيه وفرش العروسه والطرحه انزلي اشتريها من العتبه ومتنسيش المروحه الرييش والمشاوير اللي اتمشورتها حتى وانا تعبانه اوي وايمااان كل 3ثواني من اي حد وكل حد والنيو لوك اللي عملته وكل الناس معرفونيش هههههههههه
وصحابي اللي جم ووقفو جنبي واللي بجد مسابونيش ولا لحظه واللي وقفت تلف طرح ليجي 10افراد متعرفش فيهم غيري
ولمة الاهل والصحاب والناس والفرح ال300فرد اللي معرفناش اننا نعرف كل الناس دي غير في الفرح:):) والاكل اللي مدقتش منه حااااااااااجه والتورته اللي كان نفسي فيها ومدوقتهاش ورجلي اللي محستش بيها من اول ساعه في الفرح والكعب ال15سنتييي اللي منفعش وبردو قصيره واخواتي وبدلهم وحسيت اني عزوه كده وسطهم وحاجات كتييييير
المهم في الموضوع الفرح...اننا عندنا فرح
عقبال الجميع يارب ويبارك لبلال فيها ويباركلها فيه ويسعد قلوبهم ويوفقهم ديما وبجد فرحاااااااااااااااااااااانة
انا اخت العرييييييييييييييييييس :):):))
حقيقي الفرح يستاهلك
ردحذفحاسس ببرائتك و طفولتك و انت تتحدثين عن الفرح و السعادة و حبك لاخوك و ما تزعليش من كلمة طفولتك لان في كلامك طهر و طيبه و تلقائيه مثل الاطفال و دة مدح و ليس ذم
ابارك لاخوك و اتمني ان تكتبي عن فرحك في القريب واكون في الزقازيق و ابارك لك و لانك صيدله كمان التورته السبع ادوار علي حسابي
يارب ايامك فرح و عمرك سعادة
تحياتي
الف مبروك يايمان
ردحذفومبروك للدكتور بلال
وربنا يتممله بخير ونعيش كده لحد مانشوف ولاده وولاد ولاده كمان:)
وربنا يديم عليكم الفرحه والسعاده يارب
.........................................
عقبال مالناس تتعبلك ففرحك كده ان شاء الله
وتبقي فرحانه عشان مرات العريس مش اخته
هههههههههههههههههههه
الف مليون مبروك يا ايمى
ردحذفعقبالك يا جميل
وخلى بالك عالعروسة بلاش شغل الحموات ده هههههههه
ياما نفسى اجوز اخويا عشان اعييش الاجواء دى
احوال الهوى
ردحذفربنا يكرمك على كلامك الكبير ده بجد اكبر من حقي وربنا يسعدك على الدعوة الحلوة دي وانا اتشرف بوجودك اكيد
شكرا بجد :)
منعم
الله يبارك فيك وعقبالك ونتعبلك كده في فرحك
وربنا يديك الصحه وتشوف احفاد احفاده هههههههههه
مبرووووووووووك
ردحذفمن هنا للسنة الجاية
ويارب يملى حياتك فرح وهنا
ويسعد بلال ويهنيه
ويتخن ويربى كرش اكبر م اللى موجود
ومراته تيجى تشتكيلك
تعملى عليها حماة
مانا عارفك
ههههههههههه
الواااااان
ردحذفالله يبارك فيكي ياسكره
ومين قالك بس اني حموااات
دا انا طيبه موووت
ههههههههههههه
مفيش حاجه بتستخبى كده
هههههههههه
سنترافيش
الله يبارك فيك
بس بلاش الدعوة الغريبه دي كرش ايه دا رفع خالص عامل ريجيم بقاله يجي شهرين
ومتخفش انا مش هعمل شغل حماوات
انت عارفني
ههههههههههه
و الله كان فرح جميل يا إيمان
ردحذفعلى الرغم من ان الفرح كان 10 بس بدأ 12.30 بس كان فرصة كويسة ان ان انا و ليكو و منعم و إسلام نقعد ننم
مبروك لبلال بجد ده انسان رائع و شخصية محترمة
و النيو لوك ده حاجة غريبة ... بتغير الواحد خالص:)
على فكرة ما خدناش شوكولاطه :)
هههههههه
ردحذفالله يسعد ايامك يا مصطفى
للدرجادي كنت مختلفه؟؟؟
انت بس اللي مكنتش لابس النظاره اكيد :):)
عقبالك في الافراح يارب
مرحباً / بنت الماضي
ردحذفلقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.
قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1623
يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة
و لكم جزيل الشكر،
فريق عمل تدوينة دوت كوم.
http://www.tadwina.com
مبروك وعقبال كل اللى نفسه يتجوز واللى مش عاوز يتجوز برضه يتجوز.... بس سؤال رفيع انا اول مره ادخل المدونه بصراحه عاجبانى اوى
ردحذفبس انتى ليه معظم المواضيع بتبديها بيااااااااااااه ... هههههههههه بس لزمه حلوه
تدوين
ردحذفاحد المعجبيييين
انا شاكه في الموضوع ده مفيش ولا معجب للمدونه اساسا
بس شكرا بجد واكيد هتابعكم :)
اللي واقف في البلكونه
مع انه اسم غريب جدا
بس منور المدونه وعقبال الجميع واغلب مواضيعي بتبقى احداث مهمه -بالنسبالي طبعا- فيااااه تدل على الاهميه :)
احتراماتي ليك
السلام عليكم ورحمة الله وبركاته
ردحذفاولا انا مين وعرفت مدونتك منين شرح يطول فسمحينى يعنى لو كنت اقتحمت كده بدون احم ولا دستور
اولا مبروك يابله على جواز اخوكى وعبالك باذن الله
ثانيا ليه سؤال لما انتى مكلتيش التورتايه مين الكلها
ثانيا كفايه لما تزورينى الاول وعرف انك قبلتى دعوتى وتقبلتى مرورى بعد كده ارخم براحت ياله سلام ومش عارف هايوصلك كلامى ولا لا بس محاوله والسلام
اه قبل مانسى
كل سنه وانتى طيبه
مدونه عاديه بس يعنى كويس انك فكرتى تعملى مدونه
ردحذفاه انا زعلان فين مدونتى بين المدونات المفضله اوك مدونتى اسمها قصتى انا بقلم صدفه جميله الهو انا ومبحبش حد يقولى ياستاذ اوك يابله ياله يامس اسيبك ومستنى يعنى لو شفتى تعليقاتى انك تزورينى لانى متاكد ميه الميه انى مش هاعرف ارجع هنا تانى
ارفوار واه الاغنيه دى اه
لولا اختلاف الازواق لبارت الاغانى
هههههههههههه
صدفه جميلة
ردحذفاولا اهلا وسهلا في المدونه
وبخصوص الشرح اللي يطول اتفضل هقراه اكيد:)
لسلام عليكم
ردحذفالف مبروووووك على فرح اخوكى وعقبالك
ويارب الفرح ما ينقطع ابدا عندكم
كل عام وانتى بخير
ياااه عدة على الفرح سنة ونص :)))
ردحذفياارب عقبال السنه ال10 و20 :)