هو الواحد لما بيسكت يبقى مقر بالخطأ؟؟ يعني لما نتخانق ولا نختلف مينفعش الواحد يسكت؟ لازم ندخل خناقه ونخربش ونجرح ونتعارك ونشد في شعور بعض؟؟ مينفعش نبعد بكرامه وشويه ملامح حلوة فاكرينها؟؟ هو عشان سكت وبعدت ابقى مفتريه وظالمه ؟؟ ديما باعاتب وبقول ليه ونتصالح ونتكلم....بس في ناس...وفي علاقات مبينفعش فيها كده..لانها بتكون اكبر من العتاب والمصالحه...
وخصوصا لما تكون قرارات مصيرية...كنت ديما بقول اول ما حد يكسر جوايا حاجه اعرف اننا مينفعش لا نكون صحاب ولا اخوات ولا احباب ولا حتى معارف...لاني عارفه نفسي مبنساش الكسر॥ممكن انسى شويه اهمال ولا شويه انشغال ولا حتى شوية قسوه لكن الكسر مبنسهوش منيش ملاك عارفه نفسي...بس عارفه اكتر اني عمري في حياتي ماظلمت حد لاني ديما وابدا بفوت وبعدي ولما بحس اني هكره حد او هظلمه بقولهاله في وشه انا كرهتك...عملتها مره في ثانوي وفرجت الناس عليا في المدرسه وقلتها لوحده صاحبتي انا بكرهك...وهافضل طول عمري اكرهك...ولوعشت اد عمري عمرين هكرهك برضو...إيه الغل دا؟؟ معرفش بس انا قلتهالها في وشها ومخبتش عليها ومخدعتهاش وماتكلمتش عليها من وراها ومخبتش عليها واتصلت بيا في عيد ميلادي تقولي كل سنه وانتي طيبه وعارفه انك كرهاني حسيت اني وحشه اوي بس انا كده محدش كامل...ولاني اديتها فرص كتير اوي وكانت كل مره بتخذلن...وكل مره بتصدمني وبتجبرني اسامح....قررت ابعد عنها وانا لسه فكرالها حاجات حلوة عشان كل ما كنت باعقد معاها كنت بكرهها زياده او على الاقل حبها في قلبي بيقل...واتعلمت في حياتي كلها اني ما اكتمش جوايا عشان ما اعاملش الناس بوشين مع انو سعات بيبيني مفتريه اوي بس بحاول :):)
اكتر حاجه بتوجعني بقى اني ما اتقدّرش..يعني الواحد يصبر ويتعب وبرضو يتقال عليه بايع وغشاش ومخادق وقلبك حجر॥على رأي اصاله...يعني الواحد هيجي يبيع في موقف شده ولا موقف صعب انما في وسط الحياه كده والدنيا ماشيه ونيجي نقول استوب اكيد في سبب واكيد بنقف عشان البنزين خلص...ومش قادرين نكمل ولا نستحمل مع كل الضغط وقله التقدير لان اللي بيخلي الواحد يبقى على صحابه انهم بيدوله مساحه من الامل والحب والاهتمام اللي يحسسنا اننا اهم حاجه في الدنيا...
بكره افتح جروح قدي...وبكره اكتر انها تتفتح غلط...وبخناقه كمان :):)
وتتفتح عشان تتلوث وتتجرح اكتر॥ما انا كنت ساكته وراضيه ومفيش جدي داتقال يبقى بيتفتح ليه؟؟!
مش عارفه جملها شفتها في نك نيم حد على الماسنجر عندي : في الحب لا تفرط في من يشتريك ولا تشتري من باعك
وفي الحياه عموما كده الصحاب والجيران والمعارف وحتى زمايل الكلية
تصدقي عندك حق فعلا اما الواحد بيسكت بيفتكروه غلطان مع ان فيه اوقات بيكون فيها السكوت هوه الحل
ردحذفالمشكله الاكبر بقي في اللي مش بيستني يسمع اللي قدامه ومابيحاولش يفهم الحقيقه ومقتنع باللي في دماغه وبس :(
بس تصدقي يا ايمان احلي حاجه فيكي بجد انك صريحه واللي في قلبك علي لسانك ولو مش طايقه حد بتقوليهاله في وشه وانا شاهد هههههههههههه
المهم اخبارك ايه وحمدلله علي السلامه ومستنيكي تملي البلوج زي ما كان واحسن ان شاء الله
يانهار ابيض ايه ده........
ردحذفده انتي كده بقي اما بتقعدي تقوليلي انت رخم وغلس ومش عاوزه اعرفك تاني بتبقي بتكلمي جد بقي:(وانا افتكرك بتهزري:(:(
ده انتي طلعتي شرانيه اوي وانا معرفش كمان ياعيني مسكتي صحبتك فالمدرسه فرجتي عليها الناس ده انت قلبك قاسي اوي اوي ههههههههههههه
بس يابنتي يمكن اكون انا اكتر واحد بيجي على نفسه مع صحابه وحبايبه فالبلد ديه لاني انا عندي مبدأ فالحياه بدل اللي قدامي ده صحبي اوي او حد عزيز عليه او حد انا بقدره اوي يبقي لازم حد فينا يكون هادي شويه ويقدر يضحي عشان يقدر يتاقلم مع التاني عشان الحياه تسير ومنخسرش بعض لاني للاسف مينفعش نخسر بعض الا بقي لوكنا ساعتها مش صحاب بجد ولا بعز بعض ولا اي حاجه من ديه وساعتها هيبقي كل ده شعارات وكلام وخلاص وساعه الجد كل واحد ينفض لنفسه....
.........................................
انا ياما بيتعمل فيا مواقف من صحابي وحبايبي ممكن تخلينا منرجعش نكلم بعض تاني وياما بتخانق مع صحابي ليل نهار وبتبقي خناقات ايه وممكن يبقي صحبي اللي غلطان فيه وساعتها ببقي مضايق اوي واستني انه يجي يصالحني ولومجاش بروح اصالحه انا ولو هو غلط فيه او مضايق منه فحاجه بقولهاله فوشه واقوله انت عملت كذا وكذا زعلني وضايقني المعم اننا نتصالح ونتحاسب براحتنا بعد كده ..لاني مينفعش نفضل متخاصمين او مبنكلمش بعض وساعتها فعلا هما مابيصدقوا وبيفتكروا زي مامحمود بيقول اني انا الغلطان بس انا من جوايا ببقي مرتاح حتي لوجاي على نفسي مش مهم المهم منفضلش زعلانين من بعض والمهم انه عرف اني الحاجه ديه بتضايقني ومش هيعمله تاني رغم انه بيعملها بردوا ههههههههه.............
هتقوليلي بقي انت غلط انت مش عارف ايه.لازم يبقي عندك كرامه قولي اللي انتي عاوزاه بس انا طبعتي كده مينفعش اقعد متخاصم مع حد صحبي بجد حتي لوانا اللي غلطان ببقي مضايق جدا وبقعد اكلم فنفسي واقول طب انا عملت ايه عشان يعمل كده؟ومبرتحش غير اما اقوله انا متغاظ منك عشان كذا ونرجع نكلم بعض تاني....
محمود....
ردحذفتشد ايه :@:@ طلع عليا اشاعات بقى انا قلتلك اني باكرهك ولا حاجه لا قدر الله ؟ ههههههههههه
دا كان مجرد احساس داخلي مكنتش اعرفك بس لما عرفتك كرهتك اكتر هههههههههه
لا بجد يامحمود انا تلت تربع صحابي كنت باكرهم في الاول وكل صحابي كانو بيكرهوني في الاول :):)
شكرا جدا انك بتابع البلوج والله منور
ياه يا منعم رغااااااااااي
ردحذفمش ممكن يا ابني ردودك اكبر من الموضوع نفسه :):))::)
اه طبعا باتكلم بجد :):)
يامنعم كل انسان وليه قوه احتماله وفكره واسلوب حياته انت فاكر انك بتسامح الناس وتعدي وتفوت وانت خانقهم اصلا ههههههه
ومش عارفه مين صح ومين غلط..بس اهي الدنيا بتعدي وخلاص ومحدش بيموت ناقص عمر ..ربك كريم
خليك على مبدأك يا ابني ومتتنازلش عنه واكيد صح :))
لالا ايه ده يا ايمان هوه فيه حد يقدر يكرهك ده انتي نسمه ههههههههههههههه
ردحذفبقي كده يا ايمان كمان كرهتيني اكتر ماشي ياستي براحتك هههههههههه
بس علي فكره انا مكنتش بتكلم عليا بس اديني عرفت اللي في قلبك هههههههههه
لا بس بجد يا ايمان والله ربنا يحميكي انتي من احسن الناس اللي عرفتها في حياتي والله ويارب دايما اشوفك مبسوطه وفرحانه علي طول .
ايه ياد ياحوده مش تكتب انك كاتب الرد بتاعك ده وانت قاعد عالنت عندنا فالبيت بتاعنا فبنها العسل بعد مابيتك عندي وعزمتك على بيتزا كمان ههههههههههههههههههه........
ردحذف..............................................
انتي عاوزه ايه بقي يايمان انا اكتب زي مانا عايز واكتب اللي انا عاوزه هو فيه حد بيرد عليكي غيري اصلا :):))::)
بعدين ببقي خانقه ايه يام خنقه انتي ده انا نسمه واسالي اي حد عليه كده:)
مش كفايه اصلا اني بتكرم واجي على نفسي واصالح الناس:@:@
محمود
ردحذفمكنت شتتكلم على نفسك هههههههه
يادي النيه اديك عرفت هههههه
ربنا يكرمك يا محمود صحبه خير بد بقالنا 3 سنين في الكليه دي ربنا يخرجنا منها على خير :):)
منعم
هتذل الراجل عشان اتغدى عندكو
وياسيدي مش عايزه ح يرد عليا سيب المدونه فاضيه
هههههه
ان تنسمه وسالي انا عارفه :)