حملة تجميع المصاحف للدول الفقيرة
الحمله دي بدأت في اسكندرية وبدأنا عندنا في جامعة الزقازيق في كلية الصيدلة وكليه الهندسة
(هدفنا تجميع000 1000مصحف )
بنجمع المصاحف الزياده في بيوتنا واللي مركونه ديما وعليها التراب ومبتتفتحش غير من رمضان لرمضان عايزين نساعد الناس اللي في الدول الفقيرة في افريقيا ونفسهم يتعلمو القرآن ؛جمعنا لحد دلوقتي اكتر من340مصحف والحمله لسه بادئنها من اسبوع بس هدفنا الميت الف مصحف وعملنا جروب للحمله دي على الفيس بوك
هو ده : حملة تجميع المصاحف للدول الفقيرة
وبنجمع المصاحف من كل حته نقدر عليها وكل ما نوصل لكميه كبيره بنبعتها لجمعية تبليغ الاسلام وهي بدورها بتبعتها للدول المحتاجه
محتاجين الثواب ده اوي ومحتاجين نعمل حاجه لاخرتنا مش كتير لما كل واحد يطلع مصحف واحد من بيتهم يوديه للجامعه عندنا في الزقايق او اسكندريه او لجمعية تبليغ الاسلام اوعلى الاقل خالص يقول للناس ويشترك في الجروب ويعمل انفيت لكل اللي يعرفهم الدال على الخير كفاعله تخيل لو بس واحد من صحابك اهتم وعمل انفيت لكل صحابه هو كمان وبعت مصاحف هتاخد اجر زيه تمام ان شاء الله
دي ارقام الناس في صيدله وهندسه الزقازيق اتصلو بس وهنوصلكم في اي حته في الزقازيق ان شاء الله :
محمد نبيل "أمين مساعد اتحاد الطلاب":0104600618
أحمد سليمان"أمين مساعد أسرة شباب اليوم"0129677578
محمد صلاح الدين "أمين جنة الاسر في كلية الهندسة":0108048544
ويارب نعرف نعمل حاجه بجد
اها فعلا الحمله دى شغاله عندنا فى اسكندريه من فتره ودى حاجه جميله بجد اننا بدل ما المصاحف كتيره ومش بنستخدمها كلها نتبرع بيها لناس فعلا محتاجها ياريت الناس تتفاعل فعلا مع الحمله دى
ردحذفوجزاكى الله خيرا
رودي لبو عندك اي معلومات للتواصل مع الحمله في اسكندريه يا ريت تفيدينا يمكن يكون حد نفسه يعرف مش عارف :)
ردحذفنورتي المدونه
الحمد لله علي اللي حققناه لحد دلوقتي
ردحذفواتمنى الكل يشارك والثواب يعم الكل ...
الحمد لله اوي وسوق هندسه هيكون فرصه كبيره نروج للحمله من خلاله :)
ردحذفربنا يوفق الجميع
فكره كويسه انك تنزلي الموضوع هنا عشان اللي ميعرفش من صحابك يعرف وياريت اي حد يحاول يعرف كل صحابه على اد مايقدر وربنا يوفقنا يارب وان شاء الله نقدر نجمع العدد المطلوب مننا وزياده كمان....
ردحذفwill
ردحذفانا مش عارفه اقرا ولا كلمه من اللي مكتوب طالعالي كلها رموز وكلام مش مفهوم ياترى عندي انا بس ولا عند الناس كلها ياريت تكتبلي الكلام تاني بالانجليزي حتى عشان اعرف اقراه
شكرا جدا لاهتمامك
حلو اوي الكلام الياباني ده اكيد ده سايح ودخل البلوج غلط:):):)
ردحذفدعوه لحضور وقفة سلميه ضد التحرش امام جامعة الزقازيق ضد التحرش يوم السبت 81 ابريل يا ريت تزوروا الجورب عالفيس بوك
ردحذفوتشاركونا
اكيد يوم 18 مش 81 :):)
ردحذفربنا يكرم الجميع
وان شاء لله تكون وقفه كويسه